अनेमसंघ(क्रान्तिकारी) ले मनायो ११२ औँँ अन्तराष्ट्रिय नारी दिवश

निर्मल बस्नेत÷चौतारा (फागुन–२४) अखिल नेपाल महिला संघ (क्रान्तिकारी) सिन्धुपाल्चोकले ११२ औँँ अन्तराष्ट्रिय नारी दिवश भव्यतापूर्वक सम्पन्न गरेको छ । अनेमसंघले अन्तराष्ट्रिय श्रमिक नारी दिवश ८ मार्च २०२२ को अवसरमा फागुन २४ गते जिल्लाभर विविध कार्यक्रम गरि मनाएको छ ।

बलेफी गाउँपालिका खाडीचौर र बाह्रविसे नगरपालिका बाह्रविसेमा नेकपा( माओवादी केन्द्र) पार्टी केन्द्रिय सदस्य तथा अनेमसंघको केन्द्रिय सचिवालय सदस्य अमृता नेपालको प्रमुख आतिथ्यतामा विविध कार्यक्रम गरि सम्पन्न भएको अनेमसंघको जिल्ला अध्यक्ष अम्बीका नेपालले जानकारी दिईन् ।
कार्यक्रममा सुनकोशी गाउँपालिकाको विभिन्न क्षेत्रका समाजसेवी महिलाहरुलाई सम्मान गरेको छ । सम्मानित हुनेहरुमा शिक्षासेवी दुर्गा थापा, अधिबक्ता लक्ष्मी थापा,इन्जीनियर प्रतिमा पराजुली,सफल व्यवसायी सुनिता कार्की, डा. अञ्जु थापा र प्रोफेसर डा. उर्मीला प्याकुरेल लाई सम्मान गरेको महिला नेत्री माओवादी केन्द्रको जिल्ला समन्वय समिति सदस्य दुर्गा थापाले जानकारी दिईन् ।

त्यस्तै चौतारा साँगाचोकगढी नगरपालिका वडा नं १३ मा पनि अनेमसंघको आयोजनामा ठूलोसिरुवारीको महिलाहरुको उपस्थीतीमा चेतनामूलक कार्यक्रम सम्पन्न भएको जिल्ला सचिव तारा रानाले जानकारी गराईन् ।
अनेमसंघ(क्रान्तिकारी) सिन्धुपाल्चोकले जिल्लामा यसभन्दा अघि पनि कहिले महिला सञ्जाल कहिले स्थानीय सरकारसंग समन्वय गरि विविध कार्यक्रम सञ्चालन गर्दै आएको जिल्ला अध्यक्ष अम्बिका नेपालले बताईन् ।