फेरीपनि भोटेकोशीमा बाढीको बितण्डा, हाईड्रोले हटायो सडकको अवरोध
असार ३१, तातोपानी । सिन्धुपाल्चोकको भोटेकोशीमा असार ३० गते राती परेको अविरल वर्षाका कारण सडकनै अवरुद्व बन्न पुगेको छ । चारबर्ष अघि सो क्षेत्रमा बाढीले वितण्डा मच्चाएको घटनालाई पुनः स्मरण गराएको छ । त्यतिबेला सो क्षेत्रमा अरबौंको क्षति तथा मानवीय समेत क्षति भएको थियो ।
केही दिन यता अबिरल बर्षाका कारण छिमेकी मुलुक चीनसंग जोडीएको अरनिको राजमार्ग अन्र्तगत तातोपानी क्षेत्रको सडक पूर्ण रुपमा क्षति भई यातायात अवरुद्द भएको हो । अवरुद्व भएको सो क्षेत्रको लिपिङ, सिरिचौर, झिर्पु, डाक्लाङ लगाएतको निर्माणधिन भोटेकोशी–१ जलविद्युत आयोजनाले अवरोध खुलाई अरनिको राजमार्ग पुनः संचालनमा ल्याईएको आयोजना प्रमुख उमेश पराजुलीले सिन्धुज्वालालाई जानकारी दिए । उनका अनुसार इलेक्ट्रो पावर कम्पनी प्रवर्धित भोटेकोशी–१ जलविद्युत आयेजनाबाट २ वटा इस्काभेटर, ६ वटा ट्रिपर, १ वटा लोडर र १ वटा जेसिभि दिन भर प्रयोग गरि अरनिको राजमार्ग खुलाएर सवारी साधन संचालनमा ल्याएको हो ।
यसैबीच निर्माणधिन भोटेकोशी–१ जलविद्युत आयोजनाले वर्षातको समयमा हुने विपद्का घटनाहरुको न्यूनीकरण होस् भन्ने उद्देश्यले भोटेकोशी गाँउपालिका वडा नं १ को तुसारे, भोटेकोशी गा.पा.–४ को सुनखानी, थामीगाँउ, फुल्पिङकट्ठी र भोटेकोशी गा.पा–३ दुगुनाका लक्षित वर्ग तथा विपन्न परिवारलाई ४०० थान त्रिपाल वितरण गरेको आयोजनाले जनाएको छ । त्यसैगरी आयोजनाले भोटेकोशी गाउँपालिका वडा नं ४ सुनखानी, थामी गाउँमा रहेको श्री महांकाली देवी आधारभुत विद्यालयलाई आवश्यक मर्मत संभार गरी नमूना विद्यालय बनाउने आयोजना प्रमुख उमेश पराजुलीले स्थानीयसंग प्रतिवद्वता व्यक्त गरेका छन् ।
स्मरण रहोस आयोजनाले यसअघि पनि बाढीपहिरोबाट त्याहाँका प्रभावित जोखिमा पर्न सक्ने भन्दै सयौं थान त्रिपाल लगाएतका सामाग्री वितरण गरिसकेको छ । आयोजनाले सामाजिक उत्तरदायित्व अन्र्तगत प्रभावित बासिन्दालाई खानेपानी, मठमन्दिर, पाटीपौवा, स्कुल लगाएत पुर्वाधारहरु निर्माणको चरणमा रहेको जनाएको छ ।
