शिक्षा नै विकासकाे पहिलाे आधार हाे – सभामुख सापकोटा

निर्मल बस्नेत /चाैतारा
भदौ ८ — सभामुख अग्निप्रसाद सापकोटाले वर्तमान परिवेशमा समाजकाे एेना भनेकाे शिक्षा नै हाे । शिक्षा नै बिकास र चेतनाकाे अाधार भएकाे बताएका छन् ।

चौतारा सांगाचोकगढी –५ स्थित चौतारा बहुमुखि क्याम्पसको बुधबार आयोजित कार्यक्रमलाई सम्बोधन गर्दै उनले हाल चेतनाको खडेरी पर्दै गएकाेले बिचारकाे मन्थनमा जाेड दिन शिक्षाप्रेमीलाई अाग्रह गरे ।
सभामुख सापकोटाले भने, “तपाईँहरूको आसिरवादले आज म सभामुखको जिम्मेवारीमा छु । राज्यका तीन अङ्गमध्ये एक अङ्गको प्रमुख बनाउनुभएको छ, तपाईँको यो विश्वास र भरोसालाई धोका दिने छैन । उनले राजनीतिक सहमतिका आधारमा गतिरोध अन्त्य भएको र संसदले गती लिएको समेत बताए । पुनःस्थापित सदनबाट नै विभिन्न बिधेक पास हुदै समस्याको सामाधन निस्केको उल्लेख गरे ।

क्यापसको २२ औ बार्षिक उत्सवको अवसरमा आवसरमा आयोजित कार्यक्रमका सहभागी बक्ताहरुले चौतारा बहुमुखि क्याम्पसकाे शैक्षिक श्रीबृद्दीकाे कामना गरेका थिए ।
सो क्याम्पसका प्राचार्य नगेन्द्र प्रसाद दंगालले वार्षिक प्रतिवेदन पेश गरेका थिए । प्राचार्य दंगालले क्युएए प्राप्तीको बाटोमा क्याम्पस रहेको उल्लेख गर्दै लाईब्रेरी ब्यवस्थापन देखि अनुसन्धान मुलक कार्य र प्रयोगात्मक शिक्षामा जोड दिदै जाने उल्लेख गरे ।
२०५८ सालबाट सञ्चालन रहेको उक्त क्याम्पसले शिक्षा विषयको स्नातक तहको तिनवर्षे कार्यक्रम प्रारम्भ गरेको थियो । त्यस्तै विगत ५ वर्षअघि स्नातकोत्तर तहको अनुमति पाएको थियो भने तिन वर्षदेखि दिनेश रामजी बहुप्राविधिक शिक्षालय कक्षा समेत साेही क्याम्पसमा सञ्चालनमा छ ।
कार्यक्रममा सभामुख सापकोटाले क्याम्पसकाे अतिरिक्त क्रियाकलापमा बिजय हासिल गरेका र परिक्षामा उत्कृष्ट बिद्यार्थीहरुलाई पुरस्कार बितरण गरेका थिए । कार्यक्रम जिल्ला स्थित राजनीतिक दलका प्रतिनिधि, विभिन्न कार्यालयका प्रमुख, अविभावक तथा विद्यार्थीहरुको सहभागितामा बिबिध साँस्कृतिक कार्यक्रमसहित सम्पन्न भएकाे छ ।