गणतन्त्र दिवशमा दिप प्रज्वलन

निर्मल बस्नेत
१५ जेठ, चाैतारा । नेकपा (माओबादी केन्द्र) सम्बद्ध विभिन्न संगठनले गणतन्त्र दिवशकाे अवसरमा दिप प्रज्वलन कार्यक्रम गरेकाे छ ।

१७ आैँ गणतन्त्र दिवशकाे दिन सिन्धुपाल्चोक जिल्लाकाे चाैतारा बजारकाे सहिद चाेकमा झम्के साँझमा दिप प्रज्वलन कार्यक्रम गरेकाे हाे । कार्यक्रम वाईसीएल नेपाल, अखिल नेपाल महिला संघ(क्रान्तिकारी), अखिल ( क्रान्तिकारी) र प्रेस सेन्टर नेपालले संयुक्त रुपमा गरेकाे हाे ।

नेपालकाे नक्सामा बनाएर १७ गणतन्त्र दिवश २०८१ नाम दिएर माथि उल्लेख गरिएका संगठनहरूले गरेकाे दिप प्रज्वलन कार्यक्रममा नेकपा ( माआेवादी केन्द्र) का केन्द्रीय सदस्य एवं जिल्ला ईन्चार्ज केशव नेपालकाे बिशेष उपस्थितिमा भएकाे थियाे । जसमा पार्टीका बागमती प्रदेश सचिवालय सदस्य एवं वाइसीएल सिन्धुपाल्चोकका इन्चार्ज टिएन सापकाेटा लगायत विभिन्न पार्टीको तहमा रहेका नेता तथा कार्यकर्ता र स्थानीयहरुकाे उत्साहजनक सहभागी रहेकाे थियाे ।

गणतन्त्र दिवशकाे अवसरमा आयाेजकले प्रमुख जिल्ला अधिकारीलाई ज्ञापन पत्र , बिभिन्न संस्थाकाे साझेदारीमा नेपाल रेडक्रस साेसाइटीसंगकाे समन्वयमा रक्तदान कार्यक्रम र प्रभातफेरी कार्यक्रम समेत गरिएको वाइसीएल सिन्धुपाल्चोक संयाेजक दुर्गाप्रसाद काफ्लेले जानकारी गराए ।