सिन्धुपाल्चोकका फरार अपराधी २ जना पक्राउ

जेठ ५, चौतारा । जिल्ला प्रहरी कार्यालय सिन्धुपाल्चोकले विभिन्न मुद्दामा फरार रहेका दुईजनालाई पक्राउ गरेको छ ।
चोरी मुद्दामा तिन बर्ष कैद र तिस हजार जरिवाना सजाँय भई फरार रहेका पाँचपोखरी थाङपाल गाउँपालिका–७ बस्ने वर्ष २१ का सुकवीर तामाङ र अमानविय व्यवहार मुद्दामा १५ दिन कैद र पाँच हजार जरिवाना सजाँय भई फरार रहेका चौतारा साँगाचोकगढी नगरपालीका वडा नं.१३ बस्ने वर्ष ५७ को तानबहादुर श्रेष्ठलाई प्रहरीले पक्राउ गरेको जिल्ला प्रहरी कार्यालय सिन्धुपाल्चोकका सूचना अधिकारी रामकुमार यादवले जानकारी दिए ।

उनका अनुसार जिल्ला अदालतको २०७८ माघ २० गतेको फैसलाले सजाय तोकेको तामाङलाई ईलाका प्रहरी कार्यालय मेलम्चीबाट खटिएको प्रहरी टोलीले जेठ ३ गते सोही ठाउँबाट पक्राउ गरी जिल्ला अदालत पेश गरिएकोमा अदालतले कैद÷जरिवाना सजाय असुल उपरका लागि जिल्ला कारागार चौतारा चलान गरिएको छ ।

यसैगरी जिल्ला अदालतको २०७९ मंसिर २१ गतेको फैसलाले कैद तथा जरिवाना सजाय तोकिएका श्रेष्ठलाई जिल्ला प्रहरी कार्यालय टोलीले २०८० जेठ ४ गते आफ्नै घरबाट पक्राउ गरी जिल्ला अदालत पेश गरिएकोमा अदालतले निजलाई लागेको कैद÷जरिवाना सजाय असुल उपरका लागि सोही दिन कारागार चौतारा चलान गरेको प्रनाउ यादवले जानकारी दिए ।