स्कुले बालबालीकालाई पार्टी प्रवेश
बाह्रबिसे (सिन्धुपाल्चोक), स्कुल पढ्ने बालबालिकालाई नेपाली कांग्रेस सिन्धुपाल्चोकले पार्टी प्रवेश गराएको छ ।
नेपाली कांग्रेसले जिल्लाव्यापी चलाईरहेको जागरण अभियानका क्रममा जिल्लाको कर्थलीमा हिजो आयोजित कार्यक्रममा १० कक्षामा पढ्दै गरेका छात्रहरुलाई नेविसंघमा प्रवेश गरेको एक स्थानीयले बताए । कार्यक्रमका प्रमुख अतिथि रहेका नेपाली कांग्रेसका केन्द्रीय सदस्य मोहन बहादुर बस्नेत तथा क्षेत्रीय सभापति बालकृष्ण बस्नेतले पार्टी प्रवेश गराएको ति स्थानीयले बताए । स्कुले बालबालिकाहरुलाई पार्टी प्रवेश गराउन नपाईने नियम रहेपनि कांग्रेसले भने बालबालिकालाई पार्टी संगठनमा प्रवेश गराएको छ ।
पार्टी प्रवेश गर्ने बालबालिका कक्षा १० मा अध्यानरत रहेको स्विकार्दै बाह्रबिसे नगरपालिका वडा नम्बर २ का कांग्रेस सभापति रेशम लामाले कुनै बालबालिकालाई कुनै जर्वजस्ती नगरेको आफु खुशी प्रवेश गरेको बताए । ’उनीहरु १० कक्षामा पढ्दै गरेका बालबालिका हुन् हामीले जर्वजस्ती प्रवेश गराएको होईन आफु खुशी प्रवेश गर्छु भनेपछि गराएका हौं,‘ लामाले भने । उक्त कार्यक्रम साविकको १ नम्बर क्षेत्रले आयोजना गरेको कार्यक्रम हो ।
