महेन्द्रोदय माविलाई उद्यमी मोहनविक्रम कार्कीद्वारा बस खरिदका लागि ३५ लाख रुपैयाँ सहयोग

दिनेश दुलाल
असार ७ (२०८३), सिन्धुपाल्चोक । सुनकोशी गाउँपालिका वडा नम्बर ६ निवासी प्रतिष्ठित उद्यमी तथा आदरणीय समाजसेवी मोहनविक्रम कार्कीले महेन्द्रोदय माध्यमिक विद्यालयका लागि ३५ लाख रुपैयाँ आर्थिक सहयोग गरेका छन् ।

विद्यालयमा थप एक थान स्कुल बसको आवश्यकतालाई महसुस गर्दै महेन्द्रोदय मावि पूर्व विद्यार्थी समाजका वरिष्ठ उपाध्यक्ष समेत रहेका कार्कीले उक्त रकम सिधै विद्यालयको खातामा उपलब्ध गराएका हुन् । पूर्व विद्यार्थी समाजको सक्रिय समन्वय भौगोलिक विकटता र टाढाबाट आउने विद्यार्थीहरूको सहजताका लागि बस अपरिहार्य देखिएपछि पूर्व विद्यार्थी समाजले यसको पहल थालेको थियो । विद्यालयलाई महेन्द्रोदय मावि पूर्व विद्यार्थी समाजको विशेष समन्वयमा यति ठूलो परिमाणको सहयोग जुट्न सफल पहिलो अवसर भएको छ ।

विद्यालय परिवारद्वारा हार्दिक कृतज्ञता र सम्मानको घोषणा

उद्यमी कार्कीको यो महान् र उदाहरणीय सामाजिक कार्यप्रति विद्यालय व्यवस्थापन समिति (विव्यस), प्राध्यापक एवं स्टाफ परिवार, विद्यार्थी र अभिभावकहरूका तर्फबाट हार्दिक कृतज्ञता ज्ञापन गरिएको छ । विद्यालय प्रशासनले दाता कार्कीको उज्ज्वल भविष्य, सुस्वास्थ्य, निरन्तर उन्नति र प्रगतिको लाख लाख शुभकामना व्यक्त गरेको छ । साथै, यो अतुलनीय योगदानको कदर गर्दै विद्यालयको तर्फबाट निकट भविष्यमै विशेष कार्यक्रमका बीच कार्कीलाई उचित सम्मान प्रदान गरिने विद्यालयले जनाएको छ । उक्त कार्यलाई निष्कर्षमा पु¥याउन अहोरात्र खटिनुहुने विव्यस अध्यक्ष एवं समाजसेवी चक्र बहादुर बस्नेत, पूर्व विद्यार्थी समाजका उपाध्यक्ष रामकृष्ण थापा, र समग्र पूर्व विद्यार्थी समाज परिवार लगायत सहयोग पु¥याउने सम्पूर्ण सहयोगी हातहरूलाई विद्यालय परिवारले हार्दिक धन्यवाद तथा आभार प्रकट गरेको छ । यो सहयोगले विद्यालयको शैक्षिक वातावरण सुधार गर्न र टाढा–टाढाका विद्यार्थीहरूलाई विद्यालयसम्म सुरक्षित रूपमा आउन–जान ठूलो राहत मिल्ने विश्वास लिइएको जनाएको छ ।

यसैबीच, विद्यालयका प्रधानाध्यापक कृष्णप्रसाद दंगालले दाता मोहनविक्रम कार्कीप्रति आभार प्रकट गर्दै यो सहयोग महेन्द्रोदय माविका लागि ऐतिहासिक कोशेढुङ्गा साबित हुने बताएका छन् । प्रअ दंगालले भने ‘भौगोलिक विकटताका कारण हाम्रा कैयौँ विद्यार्थीहरू घण्टौँ पैदल हिँडेर विद्यालय आउनुपर्ने बाध्यता छ । थप बसको आवश्यकतालाई महसुस गरी आदरणीय समाजसेवी मोहनविक्रम कार्की ३५ लाख रुपैयाँको अतुलनीय सहयोगले विद्यार्थीहरूको समय बचत मात्र गर्ने छैन, बरु उनीहरूको शैक्षिक गुणस्तर र सुरक्षामा समेत ठूलो टेवा पुग्नेछ । विद्यालय परिवार उहाँको यो निस्वार्थ भावनाप्रति सदैव ऋणी रहनेछ र निकट भविष्यमै हामी उहाँलाई भव्य रूपमा नागरिक अभिनन्दन गर्नेछौँ ।’