मेलम्चीमा बहुद्देश्यीय कभर्डहल निर्माणकाे शुभराम्भ
चैत्र २५, मेलम्ची । सिन्धुपाल्चोकको मेलम्चीमा बहुद्देश्यीय कभर्डहल बन्ने भएको छ ।
मेलम्ची नगरपालिका ११मा विभिन्न खेल खेल्न मिल्ने गरी बहुद्देश्यीय कभर्डहल निमार्ण हुन लागेकाे हो । कभर्डहलको शनिवार मेलम्ची नगरपालिकाका प्रमुख आइतमान तामाङले शिलान्यास गरेका छन् । १ करोड ८० लाखमा ठेक्का आह्वान गरिएको उक्त कभर्डहल निमार्णको लागि दो.बि.बि निर्माण सेवाले १ करोडमा ठेक्का पाएको हाे ।
कबर्डहल निमार्णकाे शिल्यान्यास पछिकाे कार्यक्रमलाई सम्बाेधन गर्दै नगर प्रमुख तामाङले खेलकूदबाट समाजलाई स्वस्थ र अनुशासित बनाउनु पर्नेमा जोड दिए । कभर्डहल नगरको गौरवको आयोजना भएकोले समयमै गुणस्तरीय तरिकाले हलको निमार्ण गर्नका लागि निमार्णपक्षलाई उनले आग्रह गरे ।
कर्भडहल शिलन्यास कार्यक्रममा स्थानीय राजनीतिका प्रतिनिधि, संघसंस्थाका प्रतिनिधि, सुरक्षाकर्मी, स्थानीय जनता तथा खेलप्रेमीहरुको उपस्थिती रहेको थियो । कभर्डहल २०८१ असार सम्म निमार्ण सम्मन्न गरिसक्नु पर्ने सम्झौतामा उल्लेख छ ।
