अनेरास्ववियू (क्रान्तिकारी) सिन्धुपाल्चोक जिल्ला अध्यक्षमा निश्चल सन्जेल

माघ ७, चाैतारा । अखिल नेपाल राष्ट्रिय स्वतन्त्र विद्यार्थी युनियन सिन्धुपाल्चोकको २०औं जिल्ला सम्मेलनबाट निश्चल सन्जेल अध्यक्षमा निर्वाचित भएका छन् । माअाेवादी केन्द्र काे भातृ संगठन रहेकाे अखिल क्रान्तिकारीकाे २० अाै सम्मेलनबाट सन्जेलकाे नेतृत्वमा ६५ सदस्यीय जिल्ला समिति गठन भएको क्रान्तिकारीले जनाएकाे छ ।

समितकाे पदाधिकारीहरूमा उपाध्यक्ष प्रदिप पराजुली, कमल न्यौपाने र सुदिप श्रेष्ठ चयन भएका छन् । त्यसैगरी सचिवमा प्रल्हाद विक, सह-सचिवमा हितबहादुर तामाङ, उमेश लामिछाने र रुपा न्यौपाने चयन भएका छन भने
कोषाध्यक्षमा मञ्जु नेपाल चयन भएकी छिन ।
सहिद स्मृति भवन चाैतारामा शनिबार भएकाे सम्मेलनकाे निवर्तमान सभामुख अग्नप्रसाद सापकाेटाले उदघाटन गरेका हुन् ।
सम्मेलनलाई सम्बाेधन गर्दै माअाेवादी केन्द्रका उपाध्यक्ष समेत रहेका सापकोटाले मुलुक परिवर्तनको लागि विद्यार्थी अान्दाेलनकाे भूमिका अहम रहेकाे भन्दै वर्तमान अवस्थामा गणतन्त्र र संघीयता बिराेधी गतिविधि विरूद्ध क्रान्तिकारी विद्यार्थी नेतृत्व दायी भूमिका निर्वाह गर्नुपर्ने धारणा राखे ।
कार्यक्रममा प्रतिनिधि क्षेत्र नम्बर १ का संसाद माधव सापकाेटा, भाैतिक पूर्वाधार विकासमन्त्री युवराज दुलाल, अखिल क्रान्तिकारी केन्द्रका प्रतिनिधि, अन्य विद्यार्थी संगठनका प्रतिनिधि, पार्टीका जिल्ला तहका नेता लगाएत नेताहरूले शुभकामना दिएका थिए । कार्यक्रममा जिल्लाभरका विद्यार्थीहरूकाे प्रतिनिधिमुलक सहभागिता रहेकाे अखिल क्रान्तिकारीले जनाएकाे छ ।