तेस्रो भाेटेकोशी कप फुटबलकाे उपाधि सिद्दार्थ याेङ्ग स्टार क्लबलाई

कार्तिक ८, झिर्पु । तेस्रो भाेटेकोशी कप फुटबलकाे उपाधि सिद्दार्थ याेङ्ग स्टार क्लबले हात पारेकाे छ । सुनखानी क्लबको आयोजनामा भोटेकोशी गाउँपालिकाको मुख्य प्रयोजकमा भएको फुटबल खेलमा साविकको विजेता सिद्धार्थ योङ्ग स्टार क्लब पून कप उठाउनु सफल भएको हाे । फाईनल खेलमा सिद्धार्थ क्लबले भैरबकुण्ड क्लब तातोपानीलाई पेनाल्टी सुट आउटमा पाखा लगाएको थियो ।

समापन कार्यक्रममा गाउँपालिका अध्यक्ष पासाङ नर्पु शेर्पाको प्रमुख अतिथ्यमा भएको थियो । कार्यक्रममा वडा अध्यक्ष टासी शेर्पा निमा सोना शेर्पा ईलाका प्रहरी कार्यालयको प्रमुख देवेन्द्र राज जोशी झिर्पू माध्यमिक विद्यालयका अध्यक्ष आङछिरी शेर्पा लगायतको अतिथ्यमा सम्पन भएको थियो । जस कार्यक्रममा अतिथि तथा विद्यालयका अध्यक्ष आङछिरी शेर्पाले स्थानीय तह को संरचना भन्दा पहिलाले भोटेकोशीमा खेलकूदको खासगरी नारायणथान गाउँमा यस्तो प्रतियोगिता भईरहेको सुनाउँदै फुटवलले पालिकाभरको युवाहरुमा परिचय एकता सदभाव बढ्दै समृद्ध भोटेकोशी बनाउनुमा सहयोग पुग्ने विश्वास व्यक्त गरे । पालिका सरकारले सही योजना बनाउँदै कार्यन्वयन गर्नुपर्नेमा जोड दिए ।

तेस्रो भाटेकोशी कप फुटबल २०८० उद्घाघाटन २०८० असोज ३० गते गाउँपालिकाको जनप्रतिनिधि र कर्मचारी बीच मैत्रीपूर्ण फुटबल सुरू भएकाे हाे । गाउँपालिका अध्यक्ष पासाङ नर्पु शेर्पाले नेतृत्व गरेको थियो भने कर्मचारीको नेतृत्व प्रशासकीय प्रमुख वीर बहादुर बस्नेतले गरेका थिए जस खेलमा कर्मचारी टिम ६-३ गोलले विजय भएको थियो । उद्‌घाटन पछिको खेलहरुमा पालिका भरको १० वटा क्लबहरुको सहभागी थियो ।