कान्तिपुर दैनिकका उप–सम्पादक पौडेल सम्मानित

कार्तिक १, खाडीचौर । कान्तिपुर दैनिकका उप–सम्पादक तथा नेपाल पत्रकार महासंघ सिपाका पुर्व सभापति ऋृषिराम पौडेल सम्मानित भएका छन् । उनी सुनकोसी गाउँपालिकाद्वारा ‘सिन्धु पत्रकारिता सेतो बाघ’ बाट सम्मानित भएका हुन् ।

सुनकोसी गाँउपालिकाले आयोजना गरेको विजयदशमीको शुभकामना आदानप्रदान, चियापान तथा सम्मान कार्यक्रममा पौड्याललाई सम्मान गरिएको हो ।

सोही कार्यक्रमको अवसरमा सुनकोसी गाउँपालिका अध्यक्ष टपिन्द्र तिमल्सिना, उपाध्यक्ष कान्छी तामाङसहित अन्य जनप्रतिनिधिले उनलाई दोसल्ला ओडाएर सम्मान गरेका हुन् ।

पौड्यालसहित सामुदायिक र निजी बोर्डिङका प्लस टु र एसईईका गरी १० उत्कृष्ट नतिजा ल्याउने विधार्थी र गाउँपालिकामा कार्यरत दुई जना कर्मचारीलाई समेत पुरस्कृत गरिएको थियो ।

०४९ सालबाट राससबाट पत्रकारिता सुरु गरेका पौड्याल नेपाल पत्रकार महासंघ सिन्धुपाल्चोकका पूर्वसभापति समेत हुन् । सिन्धुपाल्चोकको पत्रकारिता क्षेत्रमा पौडेलको छबी उच्च रहेको जानकारहरु बताउँछन् । उनकै पालादेखि सिन्धुपत्रकारिताले फड्को मारेको थियो ।