पाँपोखरी थाङपाल गाउँपालिकाको उदाहरणीय काम, जाजरकोट भूकम्पपीडितलाई न्यानो कपडा

मंसिर २५, काठमाडौं । जिल्लाको पाँचपोखरी थाङपाल गाउँपालिकाले जाजरकोट भूकम्पपीडितको लागि न्यानो कपडा उपलब्ध गराएको छ । जाडोमौसम सुरु भएर दमका रोगी, वृद्व तथा अशक्तहरुलाई मध्यनजर गर्दै पालिकाले आफ्नै खर्चमा सहयोग गरेको गाउँपालिका उपाध्यक्ष सुनिताले लामाले जानकारी दिईन । जाडोले कठाङिग्रएर धमाधम दर्जनौं व्यक्ति ज्यान गुमाउन थालेपछि भूकम्प प्रभावित क्षेत्रमा टाढा–टाढाका स्थानीय तहहरुको समेत पछिल्लो पटक चासो देखिन थालेको छ ।

पाँचपोखरी थाङपागाउँपालिकाले जाजरकोटको छेडगाडा नगरपालिका–८ को रुवा गाउँमा पुगेर भूकम्पपीडितलाई न्यानो कपडा वितरण गरिएको गाउँपालिका प्रवक्ता तथा वडा नम्बर ६ का वडाअध्यक्ष नारायण भट्टराईले जानकारी दिए । उनका अनुसार गाउँपालिकाद्वारा १९० थान फाईबर सिरोक, १ सय ९० थान डस्ना र १ सय ९० सेनीटरी किड (प्याड, रुमाल लगाएत सरसफाईका सामाग्री) १ सय ९० थान त्याहाँका भूकम्पीडितिलाई प्रदान गरेको हो । उक्त सामाग्री गाउँपालिका उपाध्यक्ष सुनिता अधिकारीको नेतृत्वमा टोली ५ दिनको यात्रामा पुगेर स्थानीय जनप्रतिनिधि मार्फत सहयोग गरेको प्रवक्ता भट्टराईले जानकारी दिए ।

उक्त टोली भूकम्प प्रभावित क्षेत्र जाजरकोटमा २१ गते प्रस्थान गरेको थियो । उनका अनुसार नगरपालिका भएपनि वडा नम्बर ८ को रुवा निकै दुर्गम ठाउँ हो । धेरै दुर्गम ठाउँ भएको हुनाले सबै कुराको अभाव रहेको त्यस ठाउँमा मोटरबाटोबाट ओर्लेर करिब एकदिनको पैदल यात्रा हिँडेर पुगको उनले बताए ।

स्मरण रहोस यस अघि सिन्धुपाल्चोकका चौतारा साँगाचोकगढी, मेलम्ची, बाह्रबिसे लगाएत स्थानीय तहहरुले भूकम्प प्रभावित जिल्ला जाजरकोटका भूकम्पपीडितहरुलाई आर्थिक सहयोग प्रदान गरिसकेका छन् ।