ठूलोसिरुवारीका ३०० घर परिवारलाई फिल्टर तथा सरसफाईका सामग्री बितरण

भदौ २०, चौतारा (सिन्धुपाल्चोक) । चौतारा साँगाचोकगढी नगरपालिका वडा नम्बर १३ ठूलोसिरुवारीमा ३०० घर परिवारलाई फिल्टर तथा सरसफाईका सामग्री बितरण गरिएको छ ।

पूर्ण सरसफाइ वडा घोषण कार्यक्रम अन्तर्गत स्वच्छ खानेपानीका लागि वडा कार्यालय र खानेपानी कार्यालय डिभिजन न.३ चौताराको आर्थिक सहयोग र सेवक नेपालको प्राबिधिक सहयोगमा उक्त सामाग्री प्रदान गरिएको १३ नम्बर वडाका वडाअध्यक्ष रामप्रसाद गौतमले जानकारी दिए ।

उनका अनुसार वडा भित्र रहेका अनि बिपन्न्न तथा गरिब परिवार, अति न्यून आय भएका परिवार, न्यून आय भएका परिवार र घर परिवार वाट छुट्टि बसेका जेष्ठ नागरिकहरुलाई वडाका जनप्रतिनिधि, स्वास्थ्य स्वयंमसेवीका, स्थानीय राजनीति दलका प्रतिनिधि, स्थानीय शिक्षक लगाएतले साबिक वडा, टोल वस्तीवाट सर्बेक्षण गरि वडाका सरोकारवाला सहितको उपस्थिति छ्नौट गरिएका घर परिवारलाई गरिएको हो । उक्त सामाग्री वितरण चौतारा साँगाचोकगढी नगरपालिकाका नगर प्रमुख कृष्ण प्रसाद सापकोटाको प्रमुख आतिथ्यतामा एक कार्यक्रम गरि बितरण गरिएको हो ।