यसरी मनाए एक्लेबेसीका माझी समुदायले कोशी पूजा (फोटो फिचर सहित)

दिनेश दुलाल
फागुन १६, (२०७९) चौतारा । चौतारा साँगाचोकगढी नगरपालिका वडा नम्बर ११ एक्लेबेसीका माझी समुदायले कोशी पूजा गरेका छन् ।
खोलालाई भगवानको रूपमा सामूहिक पूजा गर्दै माझी समुदायले मंगलबार धुमधामका साथ मौलिक पर्व ‘लदी’ अर्थात् ‘कोशी पर्व’ मनाएका हुन् । हिन्दु नेपालीहरूको दशैं पर्व झैं पुजासँगै सामूहिक भोज, नाचगान गरेर उनीहरूले भव्य रूपमा यो पर्व मनाएका हुन् ।

जन्मेदेखि मृत्युसम्म माझी जातिको धर्म संस्कार संस्कृति यहि खोला खहरे नदी आदिमा हुने भएकोले गर्दा माझीले आदिम कालदेखि कोशीलाइं पूजा गर्दै आएका छन् । कोशी पूजा संरक्षण समिति, चौतारा साँगाचोकगढी नगरपालिका–११ मझेसावा एक्लेबेशी युबा क्लबले आयोजना गरेको कार्यक्रममा प्रमुख अतिथी प्रतिनिधिसभा क्षेत्र नम्बर २ का संसद मोहनबहादुर बस्नेतले उदघाटन गरेका थिए । कार्यक्रमका प्रमुख अतिथि बस्नेतले माझी समुदायको यो चाडलाई राज्यले अरु चाड जस्तै संरक्षण गर्नुपर्ने धारणा राखे ।

त्यस्तै विशेष अतिथी प्रतिनिधिसभा प्रदेशसभा (ख) का सांसद कृष्ण कुमार तामाङले माझी समुदायको भावना राज्यले उचित संरक्षण नगरेको टिप्प्णी गरे ।

त्यस्तै विशेष अतिथि चौतारा साँगाचोकगढी नगरपालिका प्रमुख कृष्णप्रसाद सापकोटाले माझी समुदायको कला, संस्कृति र चाडपर्वलाई नगरपालिकाले विशेष ध्यान दिएर संरक्षण गरिने प्रतिवद्वता जनाए । माझी समुदायको समस्या र मागलाई समेत आफूले विशेष चासोको रुपमा लिएको बताए । एकलेबेसी बगरमा माझी समुदायको कोशिपुजा कार्यक्रममा चौतारा साँगाचोकगढी नगरपालिका, इन्द्रावती गाउँपालिका, मेलम्ची लगाएतका माझी समुदायको बाक्लो उपस्तिथिमा कोशीमा प्रमुख व्यक्तिहरुले पुजाआजा गरि सुरुवात भएको थियो ।

कार्यक्रममा कलाकार कृष्ण कँडेलले माझी समुदायको संस्कृती झल्कने गित संगित प्रस्तुत गरेका थिए । माझी समुदायको फुर्लुङ जाली लाई पुजा गरिएको थियो ।