हेलम्बु गाउँपालिकाले जनायो आपत्ती

असार २२, मेलम्ची (सिन्धुपाल्चोक) मेलम्चीको पानी सुरुङबाट काठमाडौंमा पठाउनका लागि सरकारले स्थानीय सरकारसँग कुनै समन्वय र सहकार्य नगरेको भन्दै हेलम्बु गाउँपालिकाले आपत्ती जनाएको छ ।
आज एक विज्ञप्ती जारी गर्दै अध्यक्ष निमा ग्याल्जेन शेर्पाले आयोजना र मन्त्रालयले गरेको कदम अनुचित रहेको बताए । ‘यो प्रत्यक्ष प्रभावित हेलम्बुबासीका विरुद्व छ, अध्यक्ष निमाले भने, ‘हाम्रै मुहानबाट पानी लैजाने हामीलाई नै जानकारी नगराउने यो सरासर गलत छ ।’ आगामी दिनमा सहयोगको लागि असहज वातावरण सृजना गर्न स्थानीय सरकार र स्थानीयवासी वाध्य हुने उनले चेतावनी समेत दिए ।
विज्ञप्तीमा भनिएको छ–‘आइतबार हेलम्बु गाउँपालिका क्षेत्रभित्र पर्ने प्राकृतिक स्रोत खानेपानी महान रहेको निर्माणधिन मेलम्ची खानेपानी आयोजनाको सुरुङबाट काठमाडौंमा पानी पठाउनको लागि मुख्य सुरुङमा पानी हाल्ने जस्तो महत्वपूर्ण कार्य विधिवत रुपमा उद्घाटन गरेको कुरा स्थानीय सरकार र स्थानीयवासीले विभिन्न सञ्चार माध्यमबाट मात्र थाहा पाउँदा मेलम्ची खानेपानी आयोजनाले एउटा जिम्मेवार स्थानीय सरकारसँगको समन्वय, सहकार्य र सहयोग कसरी भईरहेको छ भन्ने कुरा घाम जस्तै छर्लङ्ग भएको छ ।
काठमाडौँ उपत्यकाबासी हाम्रो सम्पूर्ण नेपाली दाजुभाई दिदिवहिनीको घर घरमा यथास्रिध हेलम्बुको स्वच्छ र सफा जल पु¥याउन आफ्नो क्षेत्रबाट तत्पर हेलम्बु गाउँपालिका र स्थानीयवासीको तिव्र इच्छा शक्तिका बाबजुद सम्बन्धित निकायहरुबाट हाल र विगतका यस्तै गैरजिम्मेवार कार्यहरुबाट नेपालको संविधानको धारा २३२ ले सुनिश्चित गरेको तिनै तहको सरकार बिचको सम्बन्ध सहकारिता, सहअस्तित्व र समन्वयको सिद्धान्तमा आधारित हुने भन्ने कुराको विपरीत भएकाले स्थानीय सरकार र स्थानीवासीलाई वेवास्था गरेको प्रमाणित भई हेलम्बु गाउँपालिकाको गम्भीर ध्यानाकर्षण भएको छ । स्थानीय सरकारको अहम भूमिका, समन्वय र सहयोग अतिआवश्यक रहने यस राष्ट्रिय गौरव आयोजनामा स्थानीय सरकार र स्थानीयवासीलाई निरन्तर संलग्न नगराउने सम्पूर्ण कार्यहरुप्रति घोर आपत्ती जनाउदैँ यस्ता अनुचित र गैरजिम्मेवार कार्यविरुद्ध आगामी दिनहरुमा सहयोगको लागि असहज वातावरण सृजना गर्न स्थानीय सरकार र स्थानीयवासी वाध्य हुनेछ र यसको सम्पूर्ण जिम्मेवारी उक्त आयोजना र सोसँग सम्बन्धित निकायले व्यहोर्नुपर्नेछ ।’