तेक्वान्दोको ग्रेडिङ तथा शुभकामना आदानप्रदान

६ असोज, चौतारा । हिराहरि तेक्वान्दो डोजाङ चौताराले सिनियर तेक्वान्दो खेलाडीहरुको ग्रेडिङ गरेको छ । डोजाङले आउदै गरेको नेपालीहरुको महान पर्व बढा दशै, शुभ दीपावली तथा अन्य पर्बको अवसरमा चौतारा रंगशालामा शुभकामना आदानप्रदान कार्यक्रम सम्पन्न गरेको छ ।
नेपाल तेक्वान्दो संघको बार्षिक कार्यतालिका अनुसार डोजाङले चौतारा साँगाचोकगढी नगरपालिका वडा नं. ५ का वडा सदस्य रामबहादुर घलेको प्रमुख आतिथ्यतामा उक्त कार्यक्रम सम्पन्न गरेको छ ।

कायृक्रममा जिल्ला फुटबल संघ सिन्धुपाल्चोक र नगर खेलकुद विकास समितिका अध्यक्ष अमृतमान श्रेष्ठ, जनता पत्र पत्रीकाका टिका सुबेदी, सिन्धुज्वाला साप्ताहिकका सह – सम्पादक निर्मल बस्नेत, खेलडीका अभिभावक तथा खेलाडी हरुको बाक्लो उपस्थितिमा प्रथम र दोस्रो डानो ग्रेडिङ गरेको छ । जसमा रातो पेटीबाट रातो कालो पेटीमा सुसन खत्री र सुनिधी कक्षपति छन् । तेस्तै गरि रेहान श्रेष्ठ, आशिष तामाङ, प्रबेस नेपाल, रजिब ढुंगाना , सदिना खत्री, सदिना चुहान , प्रमिश कटुवाल, उत्सब भारतीरातो कालो पेटीबाट प्रथम डान कालो पेटीमा उतिर्ण हुन सफल भएको डोजाङले जानकारी गराएको छ । उसैगरि प्रथम डान कालो पेटीबाट सोफिया श्रेष्ठ दोस्रो डान कालो पेटीमा उतिर्ण हुन सफल भएकी छिन् ।

ग्रेडिङ पश्चात् कार्यक्रमका प्रमुख अतिथी रामबहादुर घले,अतिथी अमृतमाश्रेष्ठ, निर्मल बस्नेत र टीका सुबेदीले खेलाडीहरुलाइ खेलमा उच्च मनोबलकासाथ लाग्न प्रेरित गर्दै बधाई तथो शुभकामना व्यक्त गरेका थिए ।

सिनियर ग्रेडिङ परिक्षामा उतिर्ण हुन सफल खेलाडीहरुलाइ संस्थापक तथा डोजाङ्ग प्रमुख रमेश गुरुङले बधाई ज्ञापन गरेका थिए । खेलडी ग्रेडिङको आव्यश्यक प्रकृया डोजाङका प्रमुख गुरुङलेनै गरेका थिए । उनिहरु सवैलाई कार्यक्रमका प्रमुख अतिथी वडा सदस्य घलेले प्रमाणपत्र वितरण गरेका थिए । कार्यक्रममा सहभागि अतिथीहरुलाई आयोजकले मायाको चिनासमेत प्रदान गरेका थिए ।