फुटबलमा बैंक तथा बित्तियको टिम प्रथम

निर्मल बस्नेत
१५ जेठ, चौतारा। कर्मचारी मिलन केन्द्र सिन्धुपाल्चोकले गणतन्त्र दिवस २०८१ को अवसरमा सिन्धुपाल्चोकको चौतारामा आयोजना गरेको मैत्रीपूर्ण फुटबल प्रतियोगितामा बैंक तथा वित्तीय संस्थाका कर्मचारीको टिम प्रथम भएका छन् ।

१७ औँ गणतन्त्र दिवशको खुसीयालीमा मिलन केन्द्रले आयोजना गरेको मैत्रीपूर्ण फुटबल प्रतियोगितामा संघ, प्रदेश, स्थानीय तहको कर्मचारी, पत्रकार र बैंक तथा बित्तिय संस्थाका कर्मचारी गरि ५ वटा टिमको सहभागिता रहेको थियो । प्रतियोगिताको फाइनलमा स्थानीय तहका कर्मचारीलाई ० का बिरुद्ध २ गोलले हराउँदै वित्तीय संस्थाका कर्मचारी प्रथम भएका हुन् ।
प्रतियोगितामा बिजेता र उपबिजेता खेलाडीहरुलाई निमित्त प्रमुख जिल्ला अधिकारी जीतबहादुर भण्डारीले शिल्ड र मेडल प्रदान गरेका थिए ।

सिन्धुपाल्चोक जिल्लाको सदरमुकाम चौताराको टुँडिखेलमा भएको प्रतियोगिता नियमित खेल्ने खेलाडीहरुको भन्दा फरक थियो । हारजीतको सवाल नभई एक आपसमा सामुपियता र भावनात्मक एकताको लागि मैत्रीपुर्ण फुटबलको आयोजना गरिएको कर्मचारी मिलन केन्द्रका अध्यक्ष विश्वनाथ काफ्लेले बताए ।
स्मरण रहोस् मिलन केन्द्रले हरेक बर्षको गणतन्त्र दिवशमा भिन्न भिन्न रचनात्मक कार्यक्रमहरु गर्दै आइरहेको छ ।