आलोपालो अग्रसर बहुउद्देश्य सहकारीको १० औं वार्षिक साधारणसभा सम्पन्न
दिनेश दुलाल
मंसिर १६, चौतारा । जिल्लाको चौतारा साँगाचोकगढी नगरपालिका वडा नम्बर १३ ठूलोसिरुवारीमा रहेको आलोपालो अग्रसर बहुउद्देश्य
सहकारीको १० औं साधारणसभा प्रतिनिधि क्षेत्र नम्बर १ का सांसद माधव सापकोटा ‘सुवोध’ को प्रमुख आतिथ्यता तथा १३ नम्बर वडाका वडाअध्यक्ष रामप्रसाद गौतमको विशेष अतिथिमा आज सम्पन्न भएको हो ।
सहकारीको साधारणसभाको उदघाटन पछिको मन्तव्यलाई सम्बोधन गर्दै सांसद सापकोटाले अबको विकासको चरण सहकरीको माध्यामबाट भएको बताउँदै जनताको आर्थिक जीवन उकास्न सहकारीलाई व्यवस्थि गर्न आवश्यक रहेको औल्याए । सहकारीको माध्यामबाट जनतालाई आय आर्जनका काममा सरिक गराउन सकिने भन्दै सहकारले सहकारीलाई पहिलो प्राथमिकतामा राखेर काम गरिएको बताए । जनताको भावना र सरकारको नियम बमोजिम केही सहकारीहरु बदनाम भएको बताउँदै त्यस्ता सहकारीलाई सरकारले नियमन गर्न आवश्यक रहेको तर्क राखे ।
त्यस्तै कार्यक्रमका विशेष अतिथि १३ नम्बर वडाका वडाअध्यक्ष रामप्रसाद गौतमले ग्रामिण सहकारीले मान्छेलाई क्रियासिल बनाएको बताउँदै सहकारीको विकास र प्रर्वद्वनका लागि केन्द्रीय सरकारले नै विशेष कार्यक्रम ल्याउन पर्ने बताए । आलोपालोले बालबालिकाहरुको लागि दिवा खाजा कार्यक्रम लगाएत रचानात्मक काम गरेको भन्दै वडा कार्यालयले सहकारीहरुसंग समन्वय गरेर जनताका आधारभूत कुराहरु पुरा गरेको ठोकुवा गरे । कार्यक्रममा सेतीदेवी माध्यामिक विद्यालय व्यवस्थापन समितिका अध्यक्ष कुलप्रसाद दाहाल, साना किसान कृषि सहकारी संस्थाका अध्यक्ष होमनाथ चौलागाई लगाएतले शुभकामना मन्तव्य राखेका थिए ।
कार्यक्रममा वडाका जनप्रतिनिधि, पूर्व जनप्रतिनिधि, शेयर सदस्य तथा समाजसेवी सञ्चारकमी लगाएतको सहभागिता रहेको थियो ।
सहकारीका अध्यक्ष नारायण प्रसाद गौतमले आ.व.०७९÷८०को प्रगति प्रतिवेदन तथा भावी कार्ययोजना प्रस्तुत गरेका थिए भने कोषाध्यक्ष हरि बहादुर नेपालले वार्षिक प्रतिबेदन प्रस्तुत गरेका थिए ।
सहकारीले यस बर्ष शेयर सदस्यहरुलाई १०% प्रतिशत लाभांश समेत पारित गरिएको सहकारीका निर्देक तथा प्रवन्धक लिलाबहादुर गिरी सन्तोषले जानकारी दिए । उनका अनुसार सोही कार्यक्रमको अवसरमा गत एसइइमा उत्कृष्ट भई जिपिए ल्याउने सामुदायिक विद्यालयका ४ जना छात्र तथा छात्रालाई सम्मान गरिएको थियो । त्यस्तै सोही कार्यक्रममको अवसरमा १० जना उत्कृष्ट बचत कर्ता र ३ जना असल ऋणीलाई सम्मान गरिएको प्रवन्धक गिरीले जानकारी दिए ।
उक्त सहकारीले भावी कार्यक्रमको रुपमा कृषि तथा पशुपालन कार्यकमलाई प्रोत्साहन गर्ने, जसका लागि वडा कार्यालय र नगरपालिका संग समन्वय गरि साझेदारीमा कार्यकम सँचालन गर्न पहल गरि स्थानीय स्तरमा उत्पादित कृषिजन्य उत्पादन र पशुजन्य उत्पादनमा वडा लाई आत्मनिर्भर बनाउने रणनीति लिएको जनाएको छ ।
त्यस्तै कृषक सदस्यको माग अनुसारको रासायनिक मल,कृषि यन्त्रीकरण ,उपकरण, बिउ बिजन, किटनाशक औषधि सहकारी मार्फत नै उपलब्ध गराउने कार्यकमलाई निरन्तरता दिदै जाने योजना बनाएको छ ।
सहकारीको शेयर पुंजी हाल ४४ लाख ६७ हजार १०० रहेको छ । अब ५० लाख पु¥याउने उसको लक्ष्य रहेको जनाएको छ ।
२०७० साल पौष १९ गते डिभिजन सहकारी कार्यालय धुलिखेलमा आलोपालो वचत तथा ऋण सहकारी संस्था दर्ता भएको हो । संस्थाले राष्ट्रिय तथा अन्तराष्ट्रिय रेमिटान्स सेवा सुरु गरि स्थापनाको छोटो समयमा नै सदस्यहरुको आर्थिक कारोवार गर्ने लोकप्रिय संस्थाको रुपमा स्थापित गर्न सफल भएको सहकारी मानिन्छ । सहकारीमा हाल महिला ः६६३, पुरुष ः ६२३, अन्य ः ३९, जम्मा ः१३२५ शेयर सदस्य रहेका छन् ।
