रसुवामा सुन सहित पक्राउ परेका दुईजनै सिन्धुपाल्चोकका

भदौ ६, चाैतारा । रसुवामा सुन सहित पक्राउ परेका दुईजना व्यक्ति सिन्धुपाल्चोक बासी रहेकाे खुलेकाे छ ।

सिन्धुपाल्चोक भाेटेकाेशी गाउँपालिका वडा नम्बर १ का २४ वर्षीया सुदीप शेर्पा पक्राउ परेका थिए । उनलाई त्यो सुन टिमुरीका फुर्साङ्बु शेर्पाले दिएको पाइएपछि शेर्पालाई पनि पक्राउ गरिएको प्रहरीले जनाएकाे छ फुर्साङ्बु समेत भाेटेकाेशी गाउँपालिकाकै हुन् । शनिबार मात्रै प्रहरीले रसुवामा दुई किलो सुन बरामद गरेको थियाे ।

नियमित चेकजाँचका क्रममा चेस्ट गार्डभित्र लुकाएर ल्याएको दुई किलो सुन बरामद भएको जिल्ला प्रहरी कार्यालय, रसुवाका प्रमुख डीएसपी सुवास बुढाथोकीले जानकारी दिए ।

प्रहरीले चेकिङका क्रममा शंका लागेर चेक गर्दा टिमुरेबाट स्याफ्रुवेशी गइरहेका उनीहरूलाई सुन सहित समातिएकाे हाे । बरामद सुन काठमाडौं लैजान लगिएको खुलेको छ । ‘सुन परीक्षण गरेर थप अनुसन्धान र कारबाहीका लागि राजश्व अनुसन्धान विभाग, ललितपुर पठाएकाे जिल्ला प्रहरी कार्यालय रसुवाले जनाएकाे छ ।