आधुनिक जमानाका ‘कसाईहरु’ दयालु हुन्छन्

‘कसाईहरु’ स्वभावैले निर्मम हुनपर्ने हो
तिनका पेशाले कठोर हुनपर्ने हो
तर आधुनिक जमानाका ‘कसाईहरु’ दयालु हुन्छन्
तिनीहरुसंग कोमलो मन हुन्छ
तिनीहरुको भावना तेजस्बी हुन्छ
तब त तिनीहरु सिकारको बध गर्नु अघि
असाध्यै आत्मिएता देखाउँछन्
मन÷भावना पगालेर लपक्कै टाँसिन्छन्
सुमसुम्याउँछन, चुप्प मुई समेत खान्छन्
मानिलिउँ,
तिनको जस्तो दया, माया र करुणा
मानवजातीमा कसैको छैन
तिनको जस्तो दिलको खानी
कुनै प्राणीजगतमा छैन ।
त्यसैले त आधुनिक जमानाका ‘कसाईहरु’
शिकारको वध गर्नुअघि
गहभरी आँशु निकालेर
रोईकराई गर्छन्÷अलपाविलाप गर्छन्
असाध्यै घात गरेर रुन्छन्
रेट्दा रेट्दै रुन्छन्
र रुदाँ रुदै रेट्छन्
फेरी रेटि सकेर पनि रुन्छन् ।
अहो ! यो कस्तो विचित्र ?
‘कसाई’ मा पलाएको भावना
‘कसाई’ मा पलाएको दया
रुँदारुँदै रेटिनुपर्ने
र रेटिँदा रेटिदै रुनपर्ने
यो कस्तो विडम्बना ?
यो कस्तो मानवता ?
यसकारण
आधुनिक जमानाका कसाईहरु दयालु हुन्छन् ।