ठूलो धनराशी पुरस्कार रहेको तेस्रो गाति सेभेन ‘ए’ साइड फुटबल हुँदै
भदौ २८, बाह्रबिसे (सिन्धुपाल्चोक) । जिल्लाको बाह्रबिसे नगरपालिका वडा नम्बर ६ गातिमा तेस्रो गाति सेभेन ‘ए’ साइड फुटबल प्रतियोतिा हुने भएको छ । गातिको श्री कालिदेवी माध्यामिक विद्यालयको प्राङगनमा असोज ११ गते देखि १५ गते सम्म हुन लागेको फुटबल प्रतियोगिमा प्रथम पुुरस्कारको राशी एकलाख तथा क्यानाेनिङ समेत रहेको गाती युवा क्लवका अध्यक्ष अमृत श्रेष्ठले जानकारी दिए । उनका अनुसार ट्राेफी, मेडल प्रमाणपत्र भने विजेता सबैले पाउनेछन् ।
बडा दशैंको शुभअवसरमा गाती युवा क्लवद्वारा गर्न लागिएको उक्त प्रतियोगितामा दोस्रो पुरस्कार ५० हजारको राशी रहेको अध्यक्ष श्रेष्ठले जानकारी दिए । ‘समृद्विको लागि फूटबल, दक्ष र अनुशासित खेलाडि उत्पादन गर्ने हाम्रो अभियान’ भन्ने नाराका साथ भाद्र १८ गते देखि टिम दर्ता गरेर आयोजनाको अन्तिम तयारीमा लागेको क्लवले बाह्रबिसे नगरपालिका तथा नेपालभर रहेको प्रतिभावान, क्षमतावान युवा खेलाडीहरुको कौशलता प्रस्फुटन गर्ने पवित्र उद्देश्यका साथ सुरुवात गरिएको उनको भनाई छ ।
अनलाईनबाट पनि दर्ता गर्ने व्यवस्था मिलाएको उक्त क्लवले टिम दर्ताको लागि ८ हजार शुल्क लाग्ने उल्लेख गरेको छ । ट्रफि, मेडल प्रमाणपत्र सहित ठूलो धनराशीको पुरस्कार रहेको उक्त प्रतियोगिताको प्रत्येक खेलमा मेन अफ द म्याच घोषणा गरिने आयोजक टिमका एक सदस्य भुषण श्रेष्ठले जानकारी दिए । प्रतियोगिता उदघाटनको प्रमुख अतिथि भने तय भईनसकेको राजिव गुभाजुले बताए । उनका अनुसार केही पैसा नगरपालिकाले सहयोग गरेको भएपनि अन्य रकम भने सहयोग संकलन गरिएको गुभाजूको भनाई छ । टिम दर्ता गराउने समय भने असाेज ५ सम्म रहेकाे अायाेजककाे भनाई छ ।
