सिन्धुपाल्चोक उद्योग बाणिज्य संघले गर्याे जनप्रतिनिधिहरुलाई सम्मान

निर्मल बस्नेत ÷बाह्रबिसे
उद्योग बाणिज्य संघले २०७९ बैशाख ३० गते स्थानीय निर्वाचनबाट निर्वाचित सिन्धुपाल्चोक जिल्लाको नगरपालिका प्रमुख, उपप्रमुख गाउँपालिका अध्यक्ष, उपाध्यक्ष जिल्ला समन्वय समितिको प्रमुख र उपप्रमुखहरुलाई बधाई तथा शुभकामना कार्यक्रम सम्पन्न गरेको छ ।
संघले मायाको चिनो,दोसल्ला र प्रमाणपत्र प्रदान गरि सम्मान गरेको हो ।

उक्त कार्यक्रममा सगरमाथा आरोही भोटेकोशी ५ निवासी बिकास कार्कीलाई संघका अध्यक्ष होम बहादुर बस्नेत (राजकुमार) बाट बधाई तथा सम्मान कार्यक्रम सम्पन्न भयो । सोही अवसरमा संघको संस्थागत बिकास लाई सहयोग पुर्याउने आजीवन सदस्यहरुलाई प्रमाणपत्र बितरण गरेको छ । साथै कार्यकारिणी सदस्य बिदुर खडका को हार्डवेयर पसल आगलागी बाट क्षतिभएको हुदा संघको तर्फबाट सहयोग स्वरूप रु ५ लाख ४६ हजÞार ५५ रुपैया संघको अध्यक्षले हस्तांतरण गरेका थिए ।

कार्यक्रममा केन्द्रीय सदस्य कमलकुमार श्रेष्ठ निबर्तमान अध्यक्ष वेद बहादुर श्रेष्ठ उपाध्यक्षहरु अमृत कार्की सूर्य बहादुर कार्की महासचिव शम्भु तिमल्सिना सचिव ईश्वर गुभाजु कोषाध्यक्ष उमेश प्रधान सह कोषाध्यक्ष बिचारी पराजुली लगायत कार्यसमितीका पदाधिकारी, सदस्य तथा सल्लाहकार समिती को उपस्थिति थियो । कार्यक्रम संघको अध्यक्ष होमबहादुर बस्नेतको अध्यक्षतामा सम्पन्न भएको हो ।

सोही कार्यक्रमको बिच सिन्धुज्वाला साप्ताहिकले प्रकाशित गरेको स्थानीय तह बिशेष पुस्तक बिमोचन गरेको छ । उक्त पुस्तकमा सिन्धुपाल्चोकको १२ वटै स्थानीय तहको गतिविधि र भौगोलिक अवस्थितिहरुको बारेमा समेटिएको छ ।