विद्यार्थीको सहारा बन्दै रिमाल

रविन राई
बैशाख ३, सुन्दरीपुर (सिन्धुपाल्चोक)। जिल्लाको इन्द्रावती गाउँपालिका वडा नम्बर ८ सुन्दरीपुर स्थित
श्री सर्वसुधार आधारभुत विद्यालयका विद्यार्थीहरुलाई स्कुल ड्रेस लगायत खेलकुद सामाग्री वितरण गरिएको छ ।
समाजसेवी सौरव रिमालले विद्यार्थीहरुलाई नियमित आवश्यक विद्यालय पोसाक एवम् खेलकुद सामग्री वितरण गरेको हो।
विद्यार्थीहरु सिर्जनशिल सँगसँगै खेलकुदमा बढि आकर्षित हुने भएकोले पढाइ सँगसँगै खेलप्रति पनि आकर्षण बढाउन शिक्षकहरूले सहज गरिदिनुपर्ने समाजसेवी रिमालले बताए ।
उनका अनुसार विश्वको परिवेश हेर्ने हो भने पनि खेलप्रति अहिलेका बच्चाहरु आकर्षित छन् । यसो भएको हुनाले विद्यालय सँगसँगै अभिभावकले पनि आफ्ना बच्चा प्रति उत्तरदायी हुदै शिक्षा सँगै खेलकुदमा पनि समय दिन पहल गर्नु पर्ने उनको भनाइ रहेको छ।
यदि यश विद्यालयबाट खेलकुदमा अबलहुदै खेलाडी योग्य भए आवश्यक समर्थन गर्ने रिमालले प्रतिबद्धता समेत जनाए ।
स्कुल ड्रेस तथा खेलकुद सामग्री वितरण कार्यक्रममा प्रमुख अतिथिको रुपमा सौरव रिमाल विशिष्ट अतिथिका रुपमा रिया , सोही विद्यालयका प्रधानाध्यापक सोमनाथ डोटेल , शिक्षक स्ताफ लगायत अभिभावकहरुको बाक्लो उपस्थिति रहेको थियो ।