तेस्रो नगर स्तरीय रास्ट्रपति रनिङ शिल्ड प्रतियोगिता सुरु

चैत्र १२, चौतारा (सिन्धुपाल्चोक) । तेस्रो नगर स्तरीय रास्ट्रपति रनिङ शिल्ड प्रतियोगिता सुरुवात भएको छ । बिहिबार नगर स्तरीय राष्ट्रपति रनिङ शिल्ड प्रतियोगिताको उदघाटन चौतारा साँगाचोकगढी नगरपालिका मेयर अमानसिं तामाङले गरेका हुन् । चौतारा साँगाचोकगढी नगरपालिका–४ स्थित कालिकादेवी माध्यामिक विद्यालय देउरालीमा उक्त प्रतियोगिता हुने भएको हो । नगर खेलकुद बिकास समितिको आयोजनामा बिहिबाबाट सुरु भइ शनिबार समापन हुने उक्त प्रतियोगितामा नगर भरिका ११ वटा विद्यालयहरुका ५ सय जना खेलाडीहरु सहभागिता हुने आयोजकले जनाएको छ ।

आयोजकका अनुसार भलिवलमा महिला र पुरुष छुट्टाछुट्टै खेलाईने छ । जसमा कबड्डी, एथलेटिक्स, मार्शल आर्ट लगाएतका बिधाका खेलहरु हुनेछन् । हरेक बिधामा प्रथम हुनेलाई रु. १५०००÷– द्वितीय हुनेलाई रु. १२०००÷ र तृतीय हुनेलाई रु. ९ हजार पुरस्कार राशी रहेको आयोजकले जनाएको छ । यस प्रतियोगितामा छनोट भएका खेलाडीहरुलाई आउँदो बैशाख ११ र १२ मा मेलम्चीमा हुने जिल्लास्तरिय रास्ट्रपति रनिङशील्ड प्रतियोगितामा सहभागी गराइने जनाईएको छ ।